Tri dekada e gjysmë histori: Gjermania feston 36-vjetorin e ribashkimit të madh

Sot shënohet 36-vjetori i bashkimit historik mes Republikës Federale të Gjermanisë (Gjermanisë Perëndimore) dhe Republikës Demokratike Gjermane (Gjermanisë Lindore). Pas disfatës në Luftën e Dytë Botërore, zonat administrative të kontrolluara nga Shtetet e Bashkuara, Franca dhe Britania u bashkuan, duke sjellë ndarjen e vendit në vitin 1949 në dy entitete të ndryshme: Gjermaninë Lindore (Republika Demokratike Gjermane) nën ndikimin sovjetik dhe me sistem socialist, si dhe Gjermaninë Perëndimore. Në kohën kur një numër i madh qytetarësh nisën të largoheshin drejt perëndimit për shkak të ngecjes ekonomike, autoritetet e Gjermanisë Lindore u përpoqën fillimisht të ndalonin këtë valë largimesh, ndërsa në vitin 1961 kurorëzuan masat e tyre përmes ndërtimit të Murit të Berlinit. Vagoni i ndryshimeve mori hov gjatë viteve ’80, kur reformat e hapjes dhe ristrukturimit të ndërmarra nga lideri sovjetik Mihail Gorbachev në Poloni dhe ish-Çekosllovaki, shtrinë ndikimin e tyre edhe në Gjermaninë Lindore dhe mbarë Bllokun Lindor. Vala e pakënaqësisë popullore nxiti qytetarët e Gjermanisë Lindore të ngrihen në protesta masive kundër regjimit, lëvizje që kulmoi me rrëzimin e Murit të Berlinit më 9 nëntor 1989. Pas më shumë se katër dekadash të ndara nga ideologji dhe sisteme të ndryshme politike, të dyja shtetet gjermane u shkruan zyrtarisht në një komb të vetëm më 3 tetor 1990.