Muaji i Ndërgjegjësimit: Ministria zbulon itinerarin e mamografit lëvizës nëpër komunat e vendit

Gjatë gjithë muajit tetor, i njohur ndryshe si Muaji Rozë, gratë dhe vajzat në mbarë vendit do të kenë mundësinë të kryejnë kontrollet parandaluese falë mamografit mobil, i cili do të operojë nga Dragashi e deri në Leposaviq, duke përfshirë gjithashtu Deçanin dhe Kamenicën. Institucioni i shëndetësisë ka bërë të zyrtarizuar kalendarin e plotë të vizitave për këtë pajisje diagnostikuese nëpër rajone të ndryshme. Sipas agjendës së përcaktuar, kontrollat do të nisin më 2 tetor në Novobërdë, për të vazhduar më 5 tetor në Shtërpcë, më 6 tetor në Kamenicë, më 8 tetor në Partesh, më 9 tetor në Mamushë, si dhe më 10 tetor në Deçan. Axhenca vazhdon më tej, ku më 12 dhe 13 tetor mamografi do të vendoset në Junik, më 14 tetor në Dragash, ndërsa më 15 tetor do t'i shërbejë banorëve të Ranillugës. Ndalesat e radhës do të jenë në Mitrovicën e Veriut më 16 tetor, në Han të Elezit më 19 dhe 20 tetor, në Zveçan më 21 tetor, në Kllokot më 22 tetor, si dhe në Leposaviq më 23 tetor. Fushata do të shtrihet edhe në Zubin Potok më 26 tetor, në Has më 27 dhe 28 tetor, në Drenas më 29 tetor, ndërsa do të përmbyllet për këtë cikël në Suharekë më 30 tetor. “Shikoni kalendarin dhe bëjeni kontrollën me kohë!”, thuhet në thirrjen drejtuar qytetarëve nga institucioni shëndetësor. Ndërkaq, thirrja ndërgjegjësuese e përcjellë gjatë gjithë kësaj nisme mbetet: “Kontrollohu, për veten, për jetën!”.