Skandali me videot intime: Vesa Smolica thyen heshtjen dhe del në mbrojtje të bashkëshortes së Adrian Hilës

Këngëtarja e njohur, Vesa Smolica, ka ndarë me ndjekësit një rrëfim prekës dhe një mesazh solidarizimi për Klaudia Hilën, bashkëshorten e kompozitorit të mirënjohur Adrian Hila, pas publikimit të disa videove intime që kanë pushtuar rrjetet sociale. Nëpërmjet një postimi publik, Smolica ka kujtuar periudhën kur ka qenë vetëm 14 vjeçe dhe ka jetuar për katër muaj rresht në gjirin e familjes Hila, në kohën kur merrte pjesë në spektaklin e njohur muzikor “Këngët e Shekullit”. “Prandaj sot, kur po shoh gjithë këtë që po ndodh, nuk mund të mos flas për gruan që unë kam njohur vetë. Klaudia, unë nuk i kam harruar të mirat që më ke bërë”, ka shkruar artistja, duke shprehur mirënjohjen e saj të thellë për mbështetjen e dikurshme. Veç kësaj, Vesa Smolica ka drejtuar një apel edhe në mbrojtje të vajzave të çiftit Hila, duke theksuar se ato nuk duhet në asnjë mënyrë të mbajnë mbi supe peshën e paragjykimeve apo fajësimet për zgjedhjet dhe veprimet e personave të tjerë.