“Mezi presim videon tënde” – Aurela Gaçe nuk përmbahet dhe i kthen përgjigje të ashpër komentueses

Këngëtarja e njohur shqiptare, Aurela Gaçe, ka bërë sërish bujë me reagimet e saj në rrjetet sociale, duke iu kundërvënë hapur ndjekësve që kanë lënë mesazhe provokuese në profilin e saj, në mes të valës së diskutimeve për videot intime që qarkullojnë së fundmi në internet. Gjatë një njoftimi për koncertin e saj të radhës që do të mbahet në Londër më 4 tetor, artistja është përballur me një koment provokues nga një përdoruese, e cila ka shkruar me ironi: “Po po, mezi po presim të gjithë të dalë dhe videoja jote”. Pa e anashkaluar këtë provokim, Gaçe i është përgjigjur pa doreza: “Prit zemër, vetëm do presësh mbas videos së mamit dhe gruas tënde”. Më herët, gjatë të njëjtit debat virtual, ajo është përfshirë në një tjetër replikë me një ndjekës. Pas pyetjes ironike se “Kush e ka organizuar Adi?”, këngëtarja ka dhënë një përgjigje të shkurtër dhe thumbuese: “Motra jote”. Këto zhvillime vijnë menjëherë pas reagimit zyrtar të artistes një ditë më parë, ku ajo hodhi poshtë çdo aludim për përfshirjen e saj në materiale intime, duke i quajtur ato thashetheme krejtësisht të rreme dhe duke paralajmëruar ndjekjen e rrugës ligjore ndaj çdo shpifjeje. Përmes këtyre replikave të fundit, interpretuesja e njohur ka treguar se nuk ka ndërmend të qëndrojë në heshtje ndaj sulmeve dhe komenteve dashakeqe në hapësirën digjitale.