Real Madridi synon Michael Olisen, bavarezët vendosin çmimin stratosferik

Klubi spanjoll i Real Madridit ka hedhur sytë nga Michael Olise, duke shfaqur interesim konkret për yllin francez që aktivizohet me Bayern Munichun. Sipas raportimeve të deritanishme, drejtuesit e gjigantit gjerman janë të vendosur për ta mbajtur anësorin në radhët e tyre dhe po planifikojnë t'i ofrojnë një marrëveshje të re me kushte më të kedha. Megjithatë, pozita e klubit nga Mynihu mund të lëkundet vetëm nëse në adresë të tyre vjen një propozim financiar që kap shifrën e rreth 200 milionë eurove. Falë paraqitjeve të tij mbresëlënëse, Olise është shndërruar në një armë kryesore për skuadrën gjermane, ndërsa hapat e ndërmarrë nga Real Madridi kanë krijuar njëfarë alarmi brenda strukturave drejtuese të Bayernit. Në këtë garë për 24-vjeçarin nuk mungojnë as anglezët e Liverpoolit, të cilët po ndjekin me vëmendje zhvillimet rreth të ardhmes së lojtarit. Ndonëse prioritet i Bayern Munichut mbetet bindja e Olises për të vijuar aventurën në stadiumin “Allianz Arena”, një shifër rreth 200 milionë euro do të ishte e vetmja alternativë që do ta detyronte klubin të rishqyrtonte pozitat e tij.