Kthehet qetësia te Sigal Prishtina: Hiqen sanksionet e BAT-it, bardheblutë gati për parket

Klubi i basketbollit Sigal Prishtina ka marrë lajmin e shumëpritur nga Gjykata e Arbitrazhit të Basketbollit (BAT) pranë FIBA-s, e cila ka hequr zyrtarisht masat ndëshkuese ndaj skuadrës kryeqytetase. Falë këtij zhvillimi pozitiv, kryeqytetasit tani kanë dritën jeshile për të federuar prurjet e reja në skuadër dhe për t'iu rikthyer menjëherë angazhimeve zyrtare në kuadër të Superligës së Kosovës në basketboll. Kujtojmë se ngujimi i Prishtinës në listën e zezë të këtij institucioni erdhi si pasojë e tri rasteve të mëparshme të shlyerjes së paplotë të detyrimeve financiare, çështje e cila tashmë i takon të kaluarës.