Goditje ndaj prerjeve ilegale në rajonin e Ferizajit, policia konfiskon sasi të lëndës drusore

Autoritetet policore në Ferizaj dhe Shtërpcë kanë ndërmarrë një operacion të gjerë në kuadër të angazhimeve për ruajtjen dhe mbrojtjen e pasurisë pyjore. Në zbatim të Planit Operativ të koduar “Mbrojtja e Pyjeve 2026”, njësitet përkatëse të stacioneve policore, në koordinim të ngushtë me Agjencinë e Pylltarisë së Kosovës (APK), kanë ndërmarrë kontrolle intensive në terren me qëllim parandalimin dhe ndëshkimin e prerjeve si dhe transportit të paligjshëm të drunjve.