Situatë alarmante te Spanja, ylli i sulmit braktis grumbullimin për shkak dëmtimi

Problemet fizike nuk kanë të ndalur për Niko Uilliams, duke sjellë një tjetër lajm të hidhur si përfaqësueses spanjolle, ashtu edhe për klubin e tij. Sulmuesi i njohur është detyruar që të lërë përfundimisht ambientin e kombëtares, pasi dëmtimi e pamundëson atë që të kontribuojë në dy ndeshjet e ardhshme të vlefshme për Ligën e Kombeve. Trajneri Luis De La Fuente po kalon një periudhë tejet të vështirë sa i përket organikës, pasi ky lëndim i shtohet listës së mungesave. Kujtojmë se më herët, nga grumbullimi u larguan edhe mbrojtësit Erik Garsia dhe Grimaldo. Kombëtarja e Spanjës do të zbresë sërish në fushë përballë Çekisë, një sfidë kjo që është planifikuar të zhvillohet më 3 tetor, me fillim nga ora 20:45.