Formacion i përmbysur i Kosovës ndaj Izraelit: Foda lë në stol Muriqin dhe Zhegrovën

Kombëtarja e Kosovës do të zbresë në fushë mbrëmjen e sotme për të disputuar sfidën e tretë në kuadër të Ligës B në Ligën e Kombeve. "Dardanët" do të kërkojnë rezultat pozitiv në transfertë përballë Izraelit. Përfaqësuesja kosovare vjen në këtë duel pas disfatës 3-1 të pësuar nga Austria, ndërsa nga ana tjetër, skuadra izraelite kërkon kthesën pas humbjes në shtëpi me shifrat 0-3 përballë Irlandës. Për këtë përballje, përzgjedhësi i Kosovës, Franco Foda, ka ndryshuar rrënjësisht rreshtimin titullar. Lëvizja më e bujshme në formacion është lënia e sulmuesit kryesor Vedat Muriqi në bankinën e rezervave. Njëkohësisht, nga minuta e parë nuk do të nisë as anësori i rrezikshëm, Edon Zhegrova, i cili gjithashtu do ta ndjekë fillimin e ndeshjes nga stoli. Formacioni zyrtar i Kosovës përbëhet nga: Shaipi; Avdyli, Devolla, Krasniqi, Vojvoda; Jashari, Kacuri, Matoshi, Ermal Krasniqi; Asllani, Rrahmani.