Incidenti në Prishtinë, Policia: Mjeti i dyshuar dyshohet se ka rënë nga ajri

Policia e Kosovës ka publikuar hollësi të reja lidhur me praninë e një mjeti të dyshimtë në rrugën “Rrustem Hyseni” në kryeqytet. Sipas autoriteteve, menjëherë pas marrjes së njoftimit, strukturat përkatëse të sigurisë kanë mbërritur në vendin e ngjarjes, duke ndërmarrë veprimet e menjëhershme operacionale që përfshirën krijimin e rrethimit mbrojtës dhe evakuimin e banorëve të zonës. Në terren është angazhuar gjithashtu Njësiti për Trajtimin e Mjeteve të Improvizuara Eksploduese, i cili ka kryer neutralizimin dhe trajtimin e kontrolluar të objektit të dyshimtë në përputhje me protokollet e sigurisë. Referuar vlerësimeve paraprake nga Policia, ekziston dyshimi se ky mjet mund të jetë hedhur në atë hapësirë nga ajri. Forcat e rendit bënë të ditur se hetimet dhe analizat e mëtejshme do të vijojnë me intensitet, me qëllim të zbulimit të plotë të rrethanave se si ka ndodhur ngjarja. Në fund, Policia e Kosovës ka shprehur mirënjohje për qytetarët për qasjen bashkëpunuese dhe kujdesin e dëshmuar, duke apeluar që çdo dukuri e ngjashme apo e dyshimtë të adresohet menjëherë në numrin e emergjencave 192 ose përmes platformës digjitale të forcave të rendit.