Kryeqeveritarët rrëzojnë nismën e opozitës: Dështon propozimi i LSDM-së për pagën minimale prej 600 eurosh

Iniciativa ligjore e paraqitur nga LSDM-ja, e cila parashikonte ngritjen e pagës minimale në 600 euro, ka marrë përgjigje negative pasi nuk ka siguruar mbështetjen e deputetëve të shumicës parlamentare në kuadër të Komisionit për Çështje Ekonomike. Lidhur me këtë vendim ka reaguar ashpër kreu i LSDM-së, Venko Filipçe, i cili ka theksuar se një ndërhyrje e tillë financiare është e domosdoshme për të mbështetur familjet në këtë periudhë sfiduese ekonomike. "Në këtë krizë me çmimet e karburanteve mbi 100 denarë, e cila nuk dihet se edhe sa kohë do të zgjasë, me produkte kaq të shtrenjta, ndërsa ne kemi produkte edhe nga shporta bazë e konsumit më të shtrenjtë se në Gjermani, dhe standardin më të ulët edhe në rajon edhe në Evropë. Qytetarët nuk mund t’ia dalin dot. Asnjë masë, asnjë pako masash në periudhën e kaluar. Do të ketë trazira sociale në shtet nëse pushteti vazhdon të sillet kështu në mënyrë të papërgjegjshme", ka deklaruar Filipçe. Në vijim të fjalës së tij, ai ka bërë të tojnë se shuma aktuale e pagës minimale arrin në 26 mijë denarë, shifër kjo që përbën pak më shumë se gjysmën e të ardhurave mesatare mujore në vend, të cilat llogariten në 48.500 denarë.