Kylian Mbappe në qendër të kritikave: I dëmtuar me kombëtaren, por i pranishëm në një festë në Paris

Ylli i Realit të Madridit, Kylian Mbappe, ndodhet sërish në epiqendrën e polemikave, pasi është fotografuar duke marrë pjesë në një festë në kryeqytetin francez në krah të partneres së tij, Ester Exposito, pavarësisht se zyrtarisht figuron si i dëmtuar. Edhe pse dalja për t'u argëtuar nuk përbën në vetvete ndonjë shkelje, situata është bërë e debatuar për shkak të gjendjes së tij fizike. Kapiteni i Përfaqësueses së Francës u largua nga grumbullimi i 'Gjelave' për shkak të një dëmtimi të pësuar në sfidën kundër Turqisë. Sipas planit, pas ndeshjes së Ligës së Kombeve, sulmuesi pritej të udhëtonte drejt kompleksi stërvitor 'Valdebebas' për të nisur menjëherë procesin e rikuperimit nga problemi në gjurin e majtë. Megjithatë, prania e tij në një gosti në Paris ka ngritur pikëpyetje, aq më tepër kur në dy ditët e fundit ai ka munguar në qendrën stërvitore të klubit madrilen, ndryshe nga pjesa tjetër e skuadrës, ku përfshihen edhe lojtarët e tjerë që vuajnë nga dëmtimet.