Alarm për mjet të dyshimtë shpërthyes në kryeqytet, policia evakuon zonën

Forcat e rendit kanë ndërmarrë masa urgjente sigurie duke evakuuar qytetarët në një lagje të Prishtinës, pasi është ngritur dyshimi për praninë e një mjeti shpërthyes në rrugën “Rrustem Hyseni”. Lajmin për ngjarjen e ka konfirmuar për mediat zëdhënësi i Policisë për rajonin e Prishtinës, Enis Pllana, i cili bëri të ditur se njësitet e specializuara janë angazhuar menjëherë në terren për verifikimin dhe trajtimin e kësaj informate.