Mehmeti pas triumfit ndaj San Marinos: Nuk ishte loja jonë më e mirë, por arritëm një fitore jetike

Sulmuesi i Kombëtares shqiptare, Anis Mehmeti, ka lënë pas një mbrëmje të paharrueshme, pasi realizoi golin e tij të parë me fanellën kuqezi në triumfin bindës 3:0 kundër San Marinos. Pavarësisht suksesit dhe arkëtimit të tri pikëve të radhës, futbollisti ka zgjedhur të jetë realist për paraqitjen e përgjithshme. Nëpërmjet një postimi në rrjetet sociale, ai ka theksuar se skuadra ka ende hapësira për t'u rritur, duke shkruar: “Jo loja më e bukur, por 3 pikë të tjera të rëndësishme”. Në rrafshin personal, ecuria pozitive e Mehmetit është reflektuar edhe në tregun e transferimeve. Sipas përditësimit të fundit nga platforma e njohur “Transfermarkt”, vlera e tij në treg është ngjitur në kuotën e 15 milionë eurove, duke shënuar një rritje prej 1 milioni euro krahasuar me vlerësimin e mëparshëm. Ky ngritje në vlerë duket se vjen si rrjedhojë e formës së shkëlqyer, ku spikat edhe goli i shënuar ndaj Arsenalit me fanellën e Ipswich Town në kuadër të “Carabao Cup”.