“Jo në emrin tim”: Ilir Shaqiri zbulon vargjet e fuqishme të këngës kushtuar çlirimtarëve

Këngëtari i mirënjohur, Ilir Shaqiri, ka ndarë me ndjekësit e tij tekstin e projektit të ri muzikor të titulluar “Jo në emrin tim”, një bashkëpunim ky i realizuar së bashku me djalin e tij, Korab Shaqirin. Kjo këngë e re është paralajmëruar se do të jetë një nga pjesët përcjellëse të marshit për UÇK-në, duke sjellë një mesazh të fortë përmes vargjeve të saj. Më poshtë është publikuar teksti i plotë i këngës nga vetë artisti Ilir Shaqiri: Me të drejtë pyes botën sytë ku i ka? I shpërblen armiqtë që na kanë vra Vështirë e kanë mes ballit me na pa, Këto tri shkronja tona t’shenjta Nëpër breza rrojnë te zemra Gjersa dielli tokës ka me i ra. Kosova po thërret Jo në emrin tim. Ditë-përditë na e shkelin n’fyt lirinë Për shtatë faje që kurrë si kem ba. Vështirë e kanë mes ballit me na pa. Këto tri shkronja tona t’shenjta Nëpër breza rrojnë te zemra Gjersa dielli tokës ka me i ra