Masivizim i protestës në Prishtinë: Familja e Jakup Krasniqit dhe deputetët e PDK-së krah qytetarëve kundër vendimit të Hagës

Fluksi i qytetarëve nga të gjitha qytetet e Kosovës dhe nga hapësirat e tjera shqiptare nuk ka të ndalur në kryeqytet, ku tashmë po mbahet protesta e paralajmëruar kundër vendimit të fundit të Gjykatës Speciale në Hagë. Trupa të mëdha protestuesish kanë zbarkuar në Prishtinë të organizuar me autobusë, ndërkohë që qindra të tjerë janë grumbulluar në pikat e parkimit të qytetit, prej nga niset marshimi drejt sheshit kryesor për të shprehur pakënaqësinë e madhe. Në mesin e mijëra qytetarëve që i janë bashkuar kësaj thirrjeje për drejtësi, bien në sy bashkëshortja, fëmijët dhe mbesa e ish-kryepalamentarit Jakup Krasniqi. Po ashtu, pjesë e kësaj proteste masive janë bërë edhe deputetë të Partisë Demokratike të Kosovës.