Gjiganti bavarez nis gjuetinë për portierin e ri: Planifikohet e ardhmja pa Manuel Neuer

Klubi i njohur gjerman Bayern Munich ka filluar tashmë lëvizjet konkrete për të siguruar trashëgimtarin e Manuel Neuer, me portierin veteran që parashikohet të mos e vazhdojë bashkëpunimin pas përfundimit të këtij edicioni. Strategjia e drejtuesve bavarezë synon angazhimin e një gardiani i cili do të shërbejë si alternativë për Jonas Urbig, futbollist ky që trajneri Vincent Kompany planifikon ta gradojë si titullar të padiskutueshëm në formacion. Në fokusin e klubit është rikthyer emri i Oliver Baumann të Hoffenheimit, ndërkohë që nën vëzhgim të rreptë ndodhen edhe profile të tjera interesante si Finn Dahmen, Marvin Schwabe, Bernd Leno dhe Daniel Heuer Fernandes.