Ndryshim në pankinë te Baseli: Trajneri i njohur serb pritet të marrë drejtimin e Xherdan Shaqirit

Klubi i njohur zviceran, Baseli, ka bërë zgjedhjen e tij për stolin e trajnerit, pas largimit të Stephan Lichtsteinerit. Sipas zhvillimeve më të fundit, strategu Sllavisha Jokanoviq është pranë firmosjes së një marrëveshjeje që do ta mbajë në krye të skuadrës deri në përfundim të këtij sezoni. Kjo lëvizje do të sjellë nën urdhërat e tij edhe yllin me origjinë nga Kosova, Xherdan Shaqirin. Gjatë karrierës së tij të pasur, Jokanoviq ka drejtuar disa skuadra të njohura në futbollin anglez, ku veçohen periudhat te Watfordi, Fulhami dhe Sheffield Unitedi. Ndërkohë, angazhimi i tij i fundit profesional ka qenë në Gjirin Persik, ku ka drejtuar ekipin e Al-Nasr nga Dubai, në Emiratet e Bashkuara Arabe.