Skandali me pamjet intime, Arjan Curri: Janë edhe 18 video aktive, lufta fshihet pas fondeve milionëshe

I ftuar gjatë mbrëmjes së djeshme në emisionin “Top Story” të moderuar nga Grida Duma, analisti i njohur Arjan Curri ka trajtuar pasojat e rënda të publikimit të njëpasnjëshëm të videove intime të disa figurave publike në vend. Gjatë diskutimit, Curri bëri me dije se në një platformë pornografike online vazhdojnë të jenë aktive plot 18 video. Ai ngriti shqetësimin se pas këtij fenomeni fshihet një betejë e ashpër mes dy grupeve rivale, të cilat synojnë të vënë nën kontroll rreth 2 milionë euro fonde që u dedikohen festivaleve, programeve reality, si dhe ngjarjeve artistike kombëtare e ndërkombëtare si Eurovizioni. Sipas analistit, grupi i parë tashmë është bërë pjesë e opinionit publik me skandalet e ditëve të fundit, ndërsa materialet kompromentuese për grupin e dytë pritet të bëhen publike gjatë ditëve në vijim. Duke analizuar përfituesit e kësaj situate, Curri u shpreh se në radhë të parë përfiton politika, pasi një skandal i përmasave të mëdha shërben për të mbuluar një tjetër ngjarje edhe më të rëndë. Ai shtoi se debati publik ka humbur thelbin e vërtetë, duke u fokusuar te kamerat apo personat që i kanë shpërndarë, ndërkohë që realiteti mbetet te 18 videot aktive të vajzave që kanë rënë viktimë e kësaj skeme. “Pra, 18 vajza që shkojnë atje, duan dhe ato të përfitojnë, sepse nëse ato vajza do të bënin një zanat të thjeshtë, do zgjidhnin një rrugë tjetër. Tani unë nuk dua t’i gjykoj se pse zgjedhin atë rrugë, nuk e di. Përfiton ai që i filmon, sepse ushtron pushtet, ushtron dhunë dhe i ka të rekrutuara për jetë si skllave seksi, sigurisht këto me dëshirë kanë shkuar në fillim, por me djallin kështu është, sa të firmosësh kontratën, nuk del dot më”, deklaroi ndër të tjera Curri. Në fund, ai përsëriti se burimet e tij konfirmojnë se përplasja mes dy grupeve kryesore bëhet pikërisht për fondet vjetore që kapin shifrën e afërsisht 2 milionë eurove, të destinuara për artin, spektaklet për fëmijë, festivalet kombëtare dhe Eurovizionin.