Vizita e rëndësishme në Tiranë: Ursula Von der Leyen mbërrit në Shqipëri, pritet nga ministri Ferit Hoxha

Kryetarja e Komisionit Europian, Ursula Von der Leyen, ka zbritur gjatë pasdites së sotme në tokën shqiptare, duke nisur kështu turin e saj zyrtar në rajonin e Ballkanit Perëndimor pikërisht nga kryeqyteti shqiptar. Në ambientet e Aeroportit Ndërkombëtar të Rinasit, zyrtarja e lartë e Bashkimit Europian është pritur zyrtarisht nga Ministri për Evropën dhe Punët e Jashtme, Ferit Hoxha. Sipas programit zyrtar të njoftuar nga Kryeministria, agjenda e vizitës parashikon një takim kokë më kokë mes shefes së KE-së dhe kryeministrit Edi Rama. Më pas, të dy liderët do t'i drejtohen sallës së konferencave për të mbajtur një deklaratë të përbashkët për mediat e pranishme.