Goditje e rëndë për Realin, Raul Asencio i nënshtrohet operacionit dhe mbyll vitin

Mbrojtësi i talentuar i Realit, Raul Asencio, do të mungojë gjatë në fushat e blerta, teksa rikthimi i tij pritet të ndodhë vetëm në vitin 2027. Drejtuesit e klubit dhe lojtari kanë rënë dakord unanimisht që t'i nënshtrohen një ndërhyrjeje kirurgjikale për të dhënë zgjidhje përfundimtare dëmtimit në tibie. Pas një takimi vendimtar të zhvilluar ditën e djeshme, është vendosur që operacioni të kryhet të enjten, më 1 tetor. Ky shqetësim fizik e ka përcjellë Asencion përgjatë muajve të fundit, duke e bërë operacionin rrugën e vetme dhe më të sigurt për shërimin e plotë. “Lojtari ynë, Raul Asencio, do t’i nënshtrohet nesër një ndërhyrjeje kirurgjikale për shkak të një frakture në tibien e këmbës së djathtë”, ka njoftuar zyrtarisht klubi mbretëror përmes një deklarate. Pas ndërhyrjes kirurgjikale, e cila pritet të jetë e suksesshme, futbollisti do t'i nënshtrohet menjëherë një programi intensiv rehabilitimi. Vlerësimet mjekësore tregojnë se Asencio do të duhet të qëndrojë jashtë fushës për rreth tre muaj para se të bashkohet sërish me grupin.