Humbje e madhe për vendin: Shuhet ish-luftëtari i UÇK-së, Valdet Selimaj

Komuniteti i veteranëve dhe ish-pjesëtarëve të Ushtrisë Çlirimtare të Kosovës (UÇK) është tronditur nga lajmi për ndarjen nga jeta të Valdet Selimajt. Këtë humbje e ka bërë publike përmes një njoftimi ish-kryeministri dhe ish-drejtuesi i Aleancës, Ramush Haradinaj, i cili ka evokuar kujtimet dhe kontributin e Selimajt gjatë periudhës së luftës, duke e cilësuar atë si një luftëtar të shquar, të guximshëm dhe shembullor në disiplinë. “Valdeti ishte një ushtar i dalluar në mesin e ushtarëve pejanë. Do t’i ruaj kujtimet më të mira për të, si një ushtar i disiplinuar dhe trim, që nga dita kur e mori pushkën e deri në çlirim. Ngushëllimet më të sinqerta familjes Selimaj, bashkëluftëtarëve dhe të gjithë atyre që patën rastin ta njohin nga afër. Faleminderit për shërbimin ndaj Atdheut. U prehsh në paqe, Valdet!”, ka shprehur Haradinaj në mesazhin e tij ngushëllues.