Krasniqi drejton akuza të ashpra ndaj PDK-së: Votuan Gjykatën Speciale dhe po vazhdojnë ta fuqizojnë atë

Anëtari i Lëvizjes Vetëvendosje, Alban Krasniqi, ka lëshuar kritika të rënda në drejtim të Partisë Demokratike të Kosovës (PDK), duke e vënë në shënjestër qasjen e kësaj të fundit karshi luftëtarëve të Ushtrisë Çlirimtare të Kosovës dhe procesit të Gjykatës Speciale. Përmes një reagimi publik, Krasniqi ka ngritur një seri akuzash ndaj subjektit opozitar. Sipas tij, në periudhën e pasluftës, PDK-ja ka ndjekur një linjë veprimi që përfshin rehabilitimin e informatorëve, përvetësimin e trashëgimisë historike të UÇK-së, si dhe përçarjen dhe keqpërdorimin e veteranëve dhe luftëtarëve. Në këtë kontekst, ai ka sjellë në vëmendje vitin 2015, duke pohuar se PDK-ja ishte forca kryesore që shtyu përpara dhe votoi themelimin e kësaj gjykate. Gjatë këtij reagimi, ai ka përmodur pesë pika kyçe për të argumentuar qëndrimin e tij: – Pas luftës i rehabilitoi spiunët – Përvetësoi faktet historike të UÇK-së – Keqpërdori dhe përçau luftëtarët – Në vitin 2015 e shtyu para dhe votoi gjykatën – Me veprimet e saj aktuale po e forcon edhe më shumë këtë institucion drejtësie