Fotografitë nga Milano ndezin rrjetin: A është kjo partnerja milionere e Lumbardh Salihut?

Jeta private e fituesit të edicionit të dytë të “Big Brother VIP Kosova”, Lumbardh Salihu, ka marrë sërish vëmendjen e mediave rozë dhe ndjekësve në rrjetet sociale. Sipas aludimeve të fundit, Salihu thuhet se po përjeton një romancë dashurie me një grua e cila është 17 vite më e madhe në moshë, ndërsa qarqet mediatike e përshkruajnë atë si një milionere nga Austria. Kureshtja e publikut është shtuar ndjeshëm pas publikimit të disa imazheve në rrjetet sociale, ku ish-banori i famshëm nähet duke pozuar përkrah një gruaje misterioze, duke ringjallur spekulimet për lidhjen e tij të re. Këto fotografi janë shpërndarë nga Kristale Rama, bashkëshortja e kryetarit të Komunës së Prishtinës, Përparim Rama. Në pamjet e siguruara nga qyteti i Milanos, ku po zhvillohet ngjarja e njohur e modës, Java e Modës, Lumbardhi dhe çifti Rama shfaqen së bashku. Pavarësisht valës së komenteve dhe aludimeve, deri më tani mungon një konfirmim zyrtar nëse zonja që shoqëron Lumbardhin në këto imazhe është në të vërtetë partnerja e tij e përfolur. Megjithatë, këto pamje kanë shërbyer si katalizator për diskutime të zjarrta online, sidomos pas deklaratave të bëra kohët e fundit nga ish-partnerja e tij, Kader Kicaj. Edhe pse pa ia përmendur emrin drejtpërdrejt, Kaderi la të kuptohej se i referohej Lumbardhit në një prononcim të saj, ku komentonte fenomenin e djemve që lidhen me gra më të moshuara dhe financiarisht të konsoliduara, të cilat në gjuhën e përditshme të internetit etiketohen shpesh si “sugar mummies”.