Politikë
Tension dhe bllokim trafiku në bulevard: Protesta para Kryeministrisë vijon edhe këtë të diel
Reklamë e Sponsorizuar
Edhe këtë të diel, një grup qytetarësh, të rinjsh dhe studentësh janë mbledhur sërish para godinës së Kryeministrisë, duke vijuar kështu ciklin e protestave që ka nisur prej disa muajsh në kryeqytet.
Tubimi ka shkaktuar paralizë të qarkullimit rrugor në bulevardin kryesor “Dëshmorët e Kombit”. Situata është përshkallëzuar në momentin kur një pjesë e protestuesve kanë zbritur në karrexhatë, duke penguar fizikisht lëvizjen normale të automjeteve.
Në përgjigje të kësaj situate, efektivët e Policisë së Shtetit kanë ndërhyrë duke bërë thirrje të vazhdueshme me megafon, përmes të cilave u kanë kërkuar pjesëmarrësve të tërhiqen nga rruga dhe të zhvendosen në trotuar për të mundësuar zhbllokimin e trafikut. Njëkohësisht, forcat e rendit kanë vendosur një kordon sigurie përreth objektit të Kryeministrisë dhe në zonën përballë saj për të mbajtur situatën nën kontroll.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: