Rihanna bën bujë në Paris: Paraqitet me bizhuteri milionëshe të vendosura në një vend të pazakontë

Ylli i muzikës botërore, Rihanna, ka dominuar sërish titujt e mediave ndërkombëtare gjatë paraqitjes së saj në Javën e Modës në Paris, duke marrë vëmendjen kryesore jo vetëm për stilin e saj unik. Këngëtarja e famshme u shfaq në sfilatën e markës prestigjioze Dior e veshur të tërësisht me të zeza, një kombinim që e kishte kurorëzuar me aksesorë diamanti, vlera e të cilëve llogaritet në rreth 1 milion dollarë (afërsisht 882,000 euro). Në vend që t'i vendoste në zonat tradicionale si qafa ose duart, artistja zgjodhi që elementin më të kushtueshëm të mbrëmjes ta ekspozonte në një mënyrë tejet origjinale. Më konkretisht, ajo kishte zbukuruar kyçin e këmbës së majtë me një byzylyk mahnitës prej diamantesh, i cili dallohej për pesë detaje të varura që përfundonin secila me nga një gur të çmuar në formë dardhe.