Aktuale
Kim Kardashian shkëlqen në Las Vegas: Stili prej lëkure që vodhi vëmendjen në garën e Lewis Hamilton
Reklamë e Sponsorizuar
Kim Kardashian ka qenë në qendër të vëmendjes gjatë fundjavës në Las Vegas, ku u shfaq për të mbështetur partnerin e saj, pilotin Lewis Hamilton. Ylli i reality-show-t nuk kaloi pa u vënë re, duke zgjedhur dy kombinime të guximshme prej lëkure që nxorën në pah linjat e saj të njohura trupore.
46-vjeçarja fillimisht u shfaq e veshur me një xhaketë dhe pantallona në ngjyrë të kuqe, duke ekspozuar një pjesë të dekoltesë. Më pas, ajo ndërroi stilin duke zgjedhur një ansambël të ngjashëm, por këtë herë në ngjyrë të zezë. Themeluesja e markës SKIMS e kompletoi pamjen e saj me syze të errëta dhe këpucë me taka të larta, të cilat i shtonin elegancë siluetës së saj. Flokët e saj të gjatë ishin të drejta dhe të stiluara me shumë finesë.
Lidhja mes Kim Kardashian dhe Lewis Hamilton, e cila është përfolur që nga muaji shkurt, tashmë është bërë zyrtare edhe përmes rrjeteve sociale, ku çifti ndan momente nga romanca e tyre në rritje. Marrëdhënia e tyre duket se po konsolidohet dita-ditës.
Në një prononcim të bërë muajin e kaluar, piloti i njohur i Formula 1 foli hapur rreth lidhjes së tij me yllin amerikan, duke shprehur vlerësimin dhe kënaqësinë që gjen duke kaluar kohë me katër fëmijët e saj.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: