Afera e drogës në Pejë: Prokuroria ngre aktakuzë ndaj nëntë personave për kultivim kanabisi

Prokuroria Themelore në Pejë ka zyrtarizuar ngritjen e aktakuzës kundër nëntë personave të dyshuar, të cilët ngarkohen me veprën penale të kultivimit të bimëve narkotike në rajonin e fshatrave Kliqinë dhe Sferkë. Sipas organit të akuzës, të pandehurit akuzohen për veprat penale “Kultivimi i bimës së hashashit, shkurres së kokainës ose bimëve të kanabisit”, si dhe për “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.