Sport
Dramë në Therandë: Ballkani përmbys Gjilanin në minutat e fundit dhe merr tri pikët e arta
Reklamë e Sponsorizuar
Gjilani është kthyer duarbosh nga udhëtimi në Therandë, pavarësisht se ishte shumë pranë sigurimit të një rezultati pozitiv. Skuadra e Ballkanit ka shënuar një fitore spektakolare me përmbysje në fraksionin e fundit të ndeshjes, duke mposhtur Gjilanin me rezultatin 3:1, në kuadër të javës së 14-të në elitën e futbollit kosovar.
Pjesa e parë e takimit u karakterizua me lojë të barabartë, ndërsa fraksioni i detyrës solli katër gola dhe një dinamikë të lartë në fushë, duke dhuruar një fund dramatik për shikuesit.
Zhvillohej minuta e 74-t kur Armend Thaqi mor përgjegjësinë nga pika e bardhë dhe u tregua i pagabueshëm, duke kaluar gjilanasit në epërsi prej 0:1.
Megjithatë, festa e skuadrës mysafire nuk zgjati shumë. Vetëm gjashtë minuta më vonë, konkretisht në minutën e 80-të, Albin Berisha riktheu baraspeshën duke realizuar golin e barazimit 1:1 për Ballkanin.
Për Gjilanin situata u komplikua ndjeshëm në minutën e 86-të, pasi Arbër Potoku u ndëshkua me karton të kuq, duke e lënë formacionin e tij me një lojtar më pak në fushën e blertë.
Duke shfrytëzuar epërsinë numerike në fushë, kampionët në fuqi u vërsulën në sulm dhe arritën të realizojnë edhe dy herë të tjera për të kompletuar përmbysjen e madhe.
Ishte Dijar Nikqi ai që shënoi në minutën e 88-të për t'i dhënë epërsinë 2:1 vendasve, ndërsa Dosso në minutën e 90+4-t vulosi triumfin përfundimtar me shifrat 3:1.
Pas këtij dueli, si Ballkani ashtu edhe Gjilani numërojnë nga 22 pikë në tabelë, duke u renditur përkatësisht në pozitat katër dhe pesë.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: