Botë
Tragjedi në prag: 14 të zhdukur nga sulmi rus me dron në rajonin e Kievit
Reklamë e Sponsorizuar
Një sulm i fuqishëm me dron nga forcat ruse në orët e para të mëngjesit të së dielës ka lënë të paktën 14 persona të zhdukur, të cilët dyshohet se ndodhen të bllokuar nën rrënojat e një ndërtese pesëkatëshe në rajonin e Kievit.
Këtë situatë e bëri të ditur vetë presidenti i Ukrainës, Volodymyr Zelensky, i cili theksoi se goditja shkaktoi shembjen e një pjese të pallatit, ndërkohë që njësitet e emergjencës ndodhen në terren për operacionet e kërkim-shpëtimit në zonën e Dymerit, në afërsi të kryeqytetit.
“Një pjesë e një ndërtese pesëkatëshe u shemb pas një sulmi me dron rus. Falënderoj ekipet tona të shpëtimit për mobilizimin e tyre të menjëhershëm. Nëntë persona janë evakuuar tashmë dhe zjarri është vënë nën kontroll. Fatkeqësisht, 14 persona mbeten të zhdukur dhe mund të jenë ende nën rrënoja”, u shpreh krersti i shtetit ukrainas në deklaratën e tij.
Në bazë të të dhënave nga autoritetet vendase, nga ky agresion kanë pësuar lëndime dy persona, përfshirë këtu edhe një të mitur. Ndërkaq, zjarrfikësit dhe strukturat e shpëtimit vijojnë gërmimet mes mbetjeve të strukturës së dëmtuar.
Fotografitë dhe pamjet filmike të shpërndara nga shërbimet e emergjencës shfaqin efektivët duke operuar mes sasive të mëdha të betonit dhe hekurit të përdredhur, teksa u japin ndihmë banorëve që të evakuohen nga godina e dëmtuar përmes shkallëve të emergjencës dhe pajisjeve ngritëse.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: