Scaloni hap dritën jeshile për Messin: Nëse do, mund të luajë edhe ndaj Burkina Fasos

Po afrohet dita e lamtumirës së Lionel Messit nga Përfaqësuesja e Argjentinës, ku data 6 tetor shënon, të paktën në letër, paraqitjen e tij të fundit me fanellën e njohur të "Albicelestes". Megjithatë, ky plan mbetet plotësisht i hapur dhe varet tërësisht nga dëshira e sulmuesit të Inter Miamit. Këtë qëndrim e ka konfirmuar hapur përzgjedhësi i Argjentinës, Lionel Scaloni, gjatë një konference për media. "Sigurisht që presim që Messi t’i bashkohet grumbullimit të dielën, pas ndeshjes kundër Burkina Fasos. Nëse dëshiron të luajë edhe më 3 tetor, nuk ka asnjë problem!", u shpreh trajneri, duke i dhënë liri të plotë yllit argjentinas për shkak se bëhet fjalë për sfida miqësore. Kalendari i Argjentinës parashikon një duel kundër Burkina Fasos në mbrëmjen e 3 tetorit, ndërsa në natën mes 6 dhe 7 tetorit do të zhvillohet ndeshja ndaj Beninit, e cila pritet të jetë edhe ceremonia zyrtare e lamtumirës së Messit nga futbolli ndërkombëtar. Ndërkohë, kombëtarja argjentinase do të zbatojë fillimisht angazhimin e radhës sonte kundër Bolivisë.