Kronikë
Komploti rus në Danimarkë: Arrestohen dy shtetas për planifikimin e vrasjes së reperit ukrainas
Reklamë e Sponsorizuar
Autoritetet daneze kanë zbardhur një skenar të frikshëm të shërbimeve të inteligjencës ruse, të cilat dyshohet se kishin kontraktuar dy shtetas danezë për të eliminuar një reper ukrainas. Plani ishte hartuar për t'u ekzekutuar në prag të një koncerti që artisti do të mbante në Danimarkë.
Sipas të dhënave të dalë nga seancat gjyqësore, policia daneze arriti të ndërhynte në kohë, duke prangosur dy të dyshuarit pak çaste para fillimit të performancës së reperit Kyivstoner. Për shkak të këtij kërcënimi serioz, koncerti i planifikuar për datën 25 shtator u anulua menjëherë.
Në përballjen e tyre me drejtësinë, të dy të arrestuarit kanë mohuar kategorikisht akuzat, duke u deklaruar të pafajshëm. Policia gjeti të dyshuarit brenda një automjeti, ku u sekuestruan edhe disa armë zjarri, megjithatë mbeten ende të paqarta mënyrat se si shërbimet ruse arritën t'i rekrutonin personat në fjalë apo si u bë i mundur identifikimi i tyre nga organet e rendit.
Ky incident vjen në një kohë kur Shërbimi danez i sigurisë (PET) ka lëshuar alarmin se Rusia po intensifikon përpjekjet për të shfrytëzuar qytetarët danezë në aktivitete sabotuese. Fokusi i inteligjencës ruse mbetet goditja e kompanive të mbrojtjes që ofrojnë mbështetje për Ukrainën, duke dëshmuar një strategji më të gjerë të destabilizimit në territorin evropian.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: