Lajmetereja | --:-- | Kosovë & Rajoni
Kronikë

Sulmoi brutalisht me thikë gruan që po shkonte në punë në Milano, gjykata jep dënimin e rëndë për 60-vjeçarin

Redaksia Lajmetereja • 20-11-2026 13:42
Shpërndaj:
Reklamë e Sponsorizuar
Sulmoi brutalisht me thikë gruan që po shkonte në punë në Milano, gjykata jep dënimin e rëndë për 60-vjeçarin
Një gjykatë në Milano të Italisë ka dhënë dënimin me 10 vjet burg për një 60-vjeçar, i cili plagosi rëndë me thikë në shpinë një 43-vjeçare. Ngjarja e rëndë ndodhi më 3 nëntor 2025 në sheshin Gae Aulenti, ndërsa viktima po nisej për në vendin e punës, e zgjedhur rastësisht si objektiv i sulmit. Autor i këtij sulmi është Vincenzo Lanni, i cili e qëlloi nga pas drejtuesen e kompanisë Finlombarda, duke e lënë të plagosur rëndë me një armë ftohtë me teh 23 centimetra të gjatë. Sipas hetimeve të kryera, autori nuk kishte asnjë njohje paraprake me viktimën, por e kishte përzgjedhur atë në mënyrë krejtësisht të rastësishme. Pamjet e siguruara nga kamerat e sigurisë luajtën një rol kyç në zbardhjen e plotë të dinamikës së krimit. Trupi gjykues e shpalli atë fajtor për veprën penale të tentativës për vrasje, shoqëruar me rrethanën rënduese të paramendimit. Nga ana e saj, prokurorja Maria Cristina Ria kishte kërkuar një dënim prej 12 vitesh e 2 muajsh heqje lirie. Në të kaluarën, Lanni kishte qenë i dënuar me 8 vjet burg për dy tentativa vrasjeje të ndodhura në vitin 2015, kohë kur kishte sulmuar me thikë dy pensionistë në provincën e Bergamos. Pas shlyerjes së atij dënimi, ai ishte lënë i lirë pasi autoritetet kishin konsideruar se ai nuk paraqiste më rrezik për shoqërinë. Krahas dënimit kryesor me burg, gjykata ka urdhëruar që pas shlyerjes së dënimit, Lanni t'i nënshtrohet një masë sigurie prej tre vitesh nën mbikëqyrje. Po ashtu, ai është detyruar t'i paguajë viktimës shumën prej 50 mijë eurosh si dëmshpërblim paraprak. Në deklaratat e tij dhënë pas prangosjes, 60-vjeçari kishte pohuar se qëllimi i tij nuk ishte marrja e jetës së dikujt, por goditja e sistemit të pushtetit ekonomik.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm:

Lajmet e Reja, gjithmonë me ty

Ndiq lajmet më të fundit edhe nga aplikacioni në telefon.

Privatësia dhe Cookies

Ne përdorim cookies dhe teknologji të palëve të treta (si Google AdSense) për të analizuar trafikun dhe për të personalizuar përmbajtjen dhe reklamat. Duke vazhduar navigimin, ju pranoni përdorimin e tyre. Lexoni më shumë në Politikën e Privatësisë.

Reklamë e Sponsorizuar