Lajmetereja | --:-- | Kosovë & Rajoni
Politikë

Punësimet e familjarëve në pushtet, aktivisti i vjetër i Vetëvendosjes shpërthen në kritika: Nuk jemi angazhuar për këtë

Redaksia Lajmetereja • 20-11-2026 13:41
Shpërndaj:
Reklamë e Sponsorizuar
Punësimet e familjarëve në pushtet, aktivisti i vjetër i Vetëvendosjes shpërthen në kritika: Nuk jemi angazhuar për këtë
Ardian Rraci, një nga anëtarët dhe aktivistët e hershëm të Lëvizjes Vetëvendosje, ka manifestuar hapur zhgënjimin e tij ndaj drejtimit që ka marrë subjekti politik në pushtet. Reagimi i tij vjen në vazhdën e zhvillimeve të fundit, pasi deputetja e Partisë Demokratike të Kosovës, Ganimete Musliu, bëri publike në seancën e Kuvendit listën me emrat e familjarëve të zyrtarëve të lartë të Vetëvendosjes që janë punësuar në institucione. Nëpërmjet një postimi në rrjetet sociale, Rraci pranoi se nuk is ndjerë kurrë më i fyer dhe më i zhgënjyer gjatë gjithë rrugëtimit të tij si militant i kësaj partie, duke iu referuar skandalit të ndodhur në Kuvendin e Kosovës. Ai shtoi se kurrë nuk e kishte imagjinuar se Lëvizja Vetëvendosje do të katandisej në këtë gjendje, ku të afërmit e pushtetarëve shfrytëzojnë frytet, angazhimin dhe djersën e aktivistëve të thjeshtë për të siguruar privilegje. "Unë dhe shumë aktivistë të tjerë nuk jemi angazhuar për këtë Lëvizje që po e shohim sot në pushtet, ku familjarët e pushtetarëve gëzojnë privilegje falë mundit, sakrificës dhe besimit tonë", ka shkruar Rraci në profilin e tij. Në mbyllje të reagimit të tij publik, aktivisti ka shprehur keqardhjen e thellë për realitetin e krijuar brenda radhëve të partisë që dikur premtonte ndryshim rrënjësor. "Ne çfarë derexhe kemi ra…", ka përfunduar ai.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm:

Lajmet e Reja, gjithmonë me ty

Ndiq lajmet më të fundit edhe nga aplikacioni në telefon.

Privatësia dhe Cookies

Ne përdorim cookies dhe teknologji të palëve të treta (si Google AdSense) për të analizuar trafikun dhe për të personalizuar përmbajtjen dhe reklamat. Duke vazhduar navigimin, ju pranoni përdorimin e tyre. Lexoni më shumë në Politikën e Privatësisë.

Reklamë e Sponsorizuar