Kronikë
Ngjarja e protestës: Prokuroria thërret në pyetje 28-vjeçarin që humbi shikimin në sy
Reklamë e Sponsorizuar
Prokuroria e Tiranës ka ndërmarrë një hap të ri hetimor duke thirrur për të dhënë dëshminë e tij Erjon Vishkullin, i riu që pësoi plagosje të rëndë në sy gjatë zhvillimit të protestës së datës 24 tetor.
Sipas informacioneve zyrtare, 28-vjeçarit i është dorëzuar fletëthirrja ku i kërkohet paraqitja pranë grupit hetimor në datën 25 nëntor, ora 11:00, me qëllim hedhjen dritë mbi rrethanat e incidentit.
Vishkulli sapo është rikthyer në Shqipëri, pasi u detyrua të kryente disa ndërhyrje të ndërlikuara kirurgjikale në spitalet e Italisë për shkak të dëmtimit të rëndë që pësoi gjatë tubimit.
Në lidhje me këtë ngjarje, kujtojmë se në mbledhjen e datës 28 tetor, Këshilli i Ministrave mori vendimin për të miratuar një akt normativ, përmes të cilit iu siguruan 5 milionë lekë për të mbuluar shpenzimet e plota të kurimit mjekësor.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: