Kryetari i Kuvendit Komunal në Gjilan, Kushtrim Kadriu, ka reaguar në një postim në Facebook lidhur me vendimin e fundit për ndarjen e çmimit “Nderi i Qytetit” për Pajazit Zymberin.Ai theksoi se ky vendim është nxjerrë nga Kuvendi Komunal dhe është një vendim i Asamblesë Komunale, i cili ka marrë mbështetje nga të gjitha subjektet politike.Kadriu e kritikoi ashpër tendencën e kryetarit Alban Hysenit për ta përdorur këtë çmim për qëllime politike, pa njoftuar as Kuvendin, i cili është organi përgjegjës për organizimin e ceremonisë.Ai e quajti këtë veprim të papranueshëm dhe theksoi se do të analizojë të gjitha veprimet dhe do të veprojë në përputhje me Statutin e Komunës dhe rregulloret në fuqi.Në fund, Kadriu shprehu shqetësimin e tij për praninë e fotografisë së diktatorit Enver Hoxha në një nga aktivitetet e komunës.Reagimi:Vendimi për ndarjen e çmimit “Nderi i Qytetit” për z.Pajazit Zymberi është nxjerrë nga Kuvendi Komunal dhe është vendim i Asamblesë Komunale, i votuar nga të gjitha subjektet politike. Tendenca e Alban Hysenit për ta përdorur politikisht, pa njoftuar as Kuvendin si organin që duhet ta organizojë ceremoninë, është e papranueshme.Unë do t’i analizoj të gjitha veprimet, ndërsa të zgjedhurve të popullit që votuan këtë vendim do t’u komunikohet me korrektësi për veprimet e papërgjegjshme dhe ne do të veprojmë në përputhje me Statutin e Komunës dhe rregulloret në fuqi.Gjithashtu, dekoratat e komunës sonë nuk kanë vend në prani të fotografise së diktatorit Enver Hoxha, i cili i lau në gjak shqiptarët e Shqipërisë.