Trump parashikon fundin e tensioneve me Iranin: Çmimet e naftës do të kthehen në nivelet e mëparshme

Presidenti i Shteteve të Bashkuara, Donald Trump, ka dhënë sinjale optimiste sa i përket përfundimit të shpejtë të përplasjes me Iranin, duke paralajmëruar njëkohësisht një ulje të konsiderueshme të çmimit të naftës në tregjet globale. Këto komente kreu i Shtëpisë së Bardhë i bëri gjatë një fjalimi në Uashington, D.C., ku u shfaq për të prezantuar një platformë të re federale, e cila mbështetet në teknologjinë e avancuar të Inteligjencës Artificiale (AI). Duke analizuar gjendjen e brendshme të Republikës Islamike, Trump theksoi se Irani po përballet me dështime të thella në sferën ekonomike dhe sociale. Në lidhje me ambiciet bërthamore të Teheranit, presidenti amerikan rikonfirmoi vendosmërinë e tij se ky vend nuk do të pajiset kurrë me armë bërthamore. “Kjo situatë do të marrë fund shumë shpejt. Ata nuk do të kenë armë bërthamore, ndërsa çmimet e naftës do të bien ndjeshëm, duke u rikthyer aty ku ishin përpara ndërhyrjeve të mia të fundit lidhur me Republikën Islamike të Iranit”, deklaroi Trump gjatë fjalës së tij.