Mesazhi nga qelia e Hagës: Salih Mustafa u drejtohet qytetarëve që po protestojnë për krerët e UÇK-së

Ish-komandanti i Ushtrisë Çlirimtare të Kosovës, Salih Mustafa, i njohur si 'Cali', ka përcjellë një mesazh mbështetës nga qendra e paraburgimit në Hagë për të gjithë qytetarët që kanë dalë në protestë në shenjë solidarizimi me ish-krerët e UÇK-së. Në fjalët e tij, Mustafa ka shprehur mirënjohje të thellë për pjesëmarrësit, duke i vlerësuar ata si mbrojtësit e vërtetë të vlerave kombëtare. Ai i ka cilësuar protestuesit si “engjëjt mbrojtës të historisë së UÇK-së, lirisë dhe demokracisë”, duke theksuar rëndësinë e këtij angazhimi për kauzën e drejtësisë.