Prizren, 07.08.2025 Më datë 06.08.2025, në dy raste të ndara, Policia e Kosovës ka sekuestruar katër armë zjarri (pistoleta) që dyshohet se janë përdorur gjatë gazmendeve familjare, duke shkaktuar rrezik të përgjithshëm për sigurinë publike. Rasti i parë – Fshati Romaj, Hasi: Pas sekuestrimit të një pistolete një ditë më parë dhe ndalimit të një të dyshuari për 48 orë, më datë 06.08.2025, gjatë intervistimit nga hetuesit e Stacionit Policor të Prizrenit, i dyshuari ka pranuar se posedonte edhe një armë tjetër në shtëpi, e cila po ashtu ishte përdorur në gazmendin familjar. Hetuesit kanë intervenuar në fshatin Romaj dhe kanë sekuestruar edhe armën e dytë – një pistoletë. Rasti i dytë – Fshati Semetisht, Suharekë: Stacioni Policor Suharekë ka pranuar informatë për të shtëna me armë zjarri gjatë një gazmendi familjar. Hetuesit kanë identifikuar lokacionin dhe, në bisedë me pronarin e shtëpisë, është konfirmuar se të shtënat janë kryer nga pjesëmarrësit në dasmë. Në vendin e ngjarjes janë sekuestruar:3 armë zjarri-Pistoleta si dhe 16 gëzhoja Tre të dyshuari janë intervistuar në prani të avokatëve mbrojtës dhe, me urdhër të Prokurorit kujdestar, janë ndaluar për 48 orë. “ Festo me zemër, jo me armë”.