Gjakovë , 7 gusht 2025 Më datë 06.08.2025, rreth orës 14:00, në rrugën “Gjergj Sokoli” në Gjakovë, Policia e Kosovës ka pranuar informacion për të shtëna me armë zjarri nga një veturë në lëvizje.Njësitë patrulluese dhe hetuesit e Stacionit Policor në Gjakovë kanë reaguar menjëherë duke dalë në vendin e ngjarjes, ku gjatë ekzaminimit janë gjetur dhe sekuestruar 11 gëzhoja të kalibrit 9x19mm. Si rezultat i veprimeve të shpejta hetimore, është identifikuar vetura nga e cila dyshohet se është shtënë me armë zjarri. Në bashkëpunim me njësitë e Stacionit Policor në Deçan, automjeti në fjalë është ndaluar dhe gjatë kontrollit janë sekuestruar: • Një pistoletë CZ P-10C • Dy karikatorë • 57 fishekë të kalibrit 9x19mm • 11 gëzhoja të kalibrit 9x19mm. Personi i dyshuar është intervistuar në Stacionin Policor në Gjakovë dhe në koordinim me prokurorin kujdestar, arma është sekuestruar dhe rasti u inicuar si “Mbajtje në pronësi, kontroll ose posedim të paautorizuar të armëve” dhe “Shkaktim i rrezikut të përgjithshëm”. Apelojmë tek qytetarët që për çdo informacion të dyshuar të lajmërojnë Policinë e Kosovës në numrin falas 192, apo përmes aplikacionit digjital Lajmëro Policinë – në mënyrë që të kontribuojmë së bashku për një mjedis më të sigurt.