Lajmetereja | --:-- | Kosovë & Rajoni
Botë

Thirrje për shkarkimin e Marta Kos: Skandali me këngën nacionaliste dhe rreziqet gjeopolitike për Kosovën

Redaksia Lajmetereja • 19-11-2026 10:22
Shpërndaj:
Reklamë e Sponsorizuar
Thirrje për shkarkimin e Marta Kos: Skandali me këngën nacionaliste dhe rreziqet gjeopolitike për Kosovën
Komisionerja për Zgjerim, Marta Kos, po përballet me kërkesa të forta për dorëheqje të menjëhershme nga kjo detyrë e lartë e Bashkimit Evropian, pas përfshirjes në një skandal lidhur me këngën me tone nacionaliste “Oj Kosovo, oj Kosovo”. Në kohën kur Republika e Kosovës po përpiqet të sigurojë statusin e vendit kandidat – një proces i nisur katër vite më parë – ajo sërish ka mbetur jashtë agjendës. Për më tepër, mungoi çdo nismë kulturore apo muzikore nga ana e BE-së që do të promovonte afrimin e popujve përmes paqes dhe bashkimit, duke lënë përshtypjen e një anashkalimi të vazhdueshëm. Ngjarja në fjalë mbart përmasa shqetësuese dhe mund të prodhojë pasoja të rënda diplomatike. Kjo situatë rrezikon të ndikojë te njohjet e reja ndërkombëtare, të cilat mbeten të vështira për t'u arritur, sidomos për shkak të pesë vendeve të BE-së që ende nuk e njohin Kosovën, të ndikuara nga aleatë që i kontrollojnë në rrafshin diplomatik, ekonomik dhe ushtarak. Në krye të këtij ndikimi qëndron Rusia e Vladimir Putinit, e cila synon të ruajë kontrollin mbi disa shtete evropiane, veçanërisht mbi Serbinë. Kjo e fundit vazhdon të ndjekë një politikë të dyfishtë mes BE-së dhe Moskës, duke mos hequr dorë kurrë nga aleanca ruse dhe duke mbajtur peng paqen e sigurinë në Ballkan dhe Evropë. Ministria e Punëve të Jashtme dhe e Diasporës e Kosovës duhet t'i drejtohet Brukselit me një letër zyrtare. Edhe pse ende jo anëtare, Kosova shtrihet në hapërsirën gjeografike evropiane dhe luan një rol kyç për stabilitetin e kontinentit. Vendi ynë mbetet i përkushtuar ndaj paqes, pavarësisht provokimeve dhe sulmeve të njëpasnjëshme nga fqinji verior, siç ishte rasti i agresionit në Banjskë, që kishte për qëllim aneksimin e veriut dhe nxitjen e konflikteve etnike nën regjinë e ish-presidentit serb Aleksandar Vuçiq, i cili pretendohet se ka humbur zgjedhjet e fundit përballë “Listës Studentore”. Lidhur me qëndrimin e Komisioneres Marta Kos, ajo duket se beson se një falje e thjeshtë mjafton për të kaluar një skandal kaq të rrezikshëm. Rrethanat aktuale kërkojnë përgjegjësi të lartë për ruajtjen e paqes dhe stabilitetit, si në rajon ashtu edhe në gjeopolitikën globale. Nën dritën e lëvizjeve të fuqive të mëdha, zhvillimet aktuale paralajmërojnë rreziqe për vendet e vogla, interesat e të cilave shpesh nuk përputhen me planet e superfuqive për një zgjidhje globale të paqes, duke i lënë ato në pozita të ndjeshme. Edhe pse mund të mos jetë momenti më i përshtatshëm për t'i kërkuar Parlamentit Evropian shkarkimin e zonjës Kos, e kaluara e saj diplomatike dhe përfoljet rreth karrierës së saj paraqesin interes dhe njëkohësisht rreziqe për të ardhmen e Republikës së Kosovës dhe barazinë e saj në arenën evropiane. Ndër pretendimet e qarkulluara, ajo përshkruhet si ish-bashkëpunëtore e shërbimit sekret serb BIA, madje duke u përmendur edhe një numër matrikullimi që kinse e dëshmon këtë, pretendime këto që megjithatë kërkojnë verifikim të thellë.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm:

Lajmet e Reja, gjithmonë me ty

Ndiq lajmet më të fundit edhe nga aplikacioni në telefon.

Privatësia dhe Cookies

Ne përdorim cookies dhe teknologji të palëve të treta (si Google AdSense) për të analizuar trafikun dhe për të personalizuar përmbajtjen dhe reklamat. Duke vazhduar navigimin, ju pranoni përdorimin e tyre. Lexoni më shumë në Politikën e Privatësisë.

Reklamë e Sponsorizuar