Lajmetereja | --:-- | Kosovë & Rajoni
Sport

Sukses historik për sigurinë: Kosova ngjitet në majën e Evropës dhe renditet e 14-ta në botë për sundimin e ligjit

Redaksia Lajmetereja • 19-11-2026 08:42
Shpërndaj:
Reklamë e Sponsorizuar
Sukses historik për sigurinë: Kosova ngjitet në majën e Evropës dhe renditet e 14-ta në botë për sundimin e ligjit
Instituti Ndërkombëtar Gallup ka publikuar Indeksin e Ligjit dhe Rendit për vitin 2025, ku Kosova shënon një pozicionim fantastik, duke u futur pesë shtetet kryesore të kontinentit evropian dhe në vendin e 14-të në shkallë globale. Lajmin e ka bërë të ditur ministri në detyrë i Punëve të Brendshme, Xhelal Sveçla, i cili ka bërë të me dije se vendi ynë ka grumbulluar gjithsej 90 pikë në aspektin e perceptimit të sigurisë dhe nivelit të besueshmërisë ndaj ligjit. Sipas kreut të ministrisë së Brendshme, ky rezultat mbresëlënës bën që Kosova të lërë pas mesataren botërore, duke konfirmuar edhe një herë suksesin e radhës në arenën ndërkombëtare. Sveçla e ka vlerësuar këtë arritje si një pasqyrim të qartë të përkushtimit profesional dhe bashkëpunimit ndërinstitucional në fushën e sigurisë, si dhe të punës së palodhur të çdo zyrtari në mbrojtje të rendit publik. Ai ka shtuar se fokusi kryesor mbetet mbrojtja dhe garantimi i jetës e pronës së qytetarëve, duke theksuar se përmes këtyre hapave Kosova jep kontributin e saj direkt për paqen dhe stabilitetin rajonal e evropian. Në fund, ministri ka shprehur mirënjohjen e tij për të gjithë punonjësit e institucioneve të sigurisë, ndërsa ka ritheksuar vendosmërinë për të ngritur edhe më tej kapacitetet shtetërore. Ndryshe, Indeksi i Gallup-it llogaritet përmes vlerësimit të qytetarëve për ndjenjën e sigurisë gjatë lëvizjes së lirë gjatë natës, shkallën e besimit tek autoritetet policore vendase, si dhe incidencën e krimeve apo vjedhjeve gjatë periudhës njëvjeçare. Vlen të përmendet se mesatarja e përgjithshme globale për këtë vit është regjistruar në kuotën e 80 pikëve.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm:

Lajmet e Reja, gjithmonë me ty

Ndiq lajmet më të fundit edhe nga aplikacioni në telefon.

Privatësia dhe Cookies

Ne përdorim cookies dhe teknologji të palëve të treta (si Google AdSense) për të analizuar trafikun dhe për të personalizuar përmbajtjen dhe reklamat. Duke vazhduar navigimin, ju pranoni përdorimin e tyre. Lexoni më shumë në Politikën e Privatësisë.

Reklamë e Sponsorizuar