Aktuale
Humbje e rëndë për shëndetësinë: Ndërron jetë mjeku i njohur nga Klina, Dr. Xhafer Morina
Reklamë e Sponsorizuar
Komuniteti mjekësor dhe qytetarët e Klinës janë tronditur nga lajmi për ndarjen e parakohshme nga jeta të mjekut të njohur specialist të mjekësisë interne, Dr. Xhafer Morina.
Lajmi i pikëllueshëm për vdekjen e tij është konfirmuar nga vetë anëtarët e familjes përmes një njoftimi mortor, ku kanë shprehur dhimbjen e thellë për humbjen e njeriut të tyre të dashur.
Dr. Xhafer Morina gëzonte një reputacion të lartë profesional dhe njihej për kontributin e tij të çmuar si internist. Ai shërbente me përkushtim në Poliklinikën “Biolab Zafi” në qytetin e Klinës, ku kujdesej për shëndetin e qindra pacientëve, duke trajtuar me profesionalizëm raste të ndryshme klinike, përfshirë edhe ato të fushës së kardiologjisë.
Sipas familjarëve, detajet lidhur me orarin dhe vendndodhjen e ceremonisë mortore dhe të varrimit do të bëhen të publike në njoftimet e mëvonshme.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: