Aktuale
Në prag të vendimit në Hagë, rikthehet mesazhi i fuqishëm i Hashim Thaçit për kohën e luftës
Reklamë e Sponsorizuar
Në prag të shpalljes së aktgjykimit për çështjen e pengimit të drejtësisë në Hagë, faqja zyrtare e ish-presidentit Hashim Thaçi ka ndarë sërish një fotografi simbolike ku ai shfaqet me uniformën e Ushtrisë Çlirimtare të Kosovës (UÇK).
Ky postim shoqërohet me një deklaratë të tij, të artikuluar fillimisht në shkurt të vitit 2020, përmes së cilës ai rikonfirmon krenarinë për kontributin e tij si Drejtor Politik dhe ushtar i kësaj force çlirimtare. Thaçi nënvizon se mbajtja e uniformës së UÇK-së mbetet privilegji më i lartë i jetës së tij.
“Jam krenar që kam qenë ushtar i Ushtrisë Çlirimtare të Kosovës që nga themelimi i saj. Ka qenë nderi më i madh në jetën time që ta barti uniformën e UÇK-së dhe të jem Drejtor Politik i saj. Ajo uniformë dhe shërbimi në luftën tonë çlirimtare nuk është hendikep, por nder, përparësi dhe krenari në çdo përballje me këdo”, thuhet në mesazhin e përcjellë në profilin e tij.
Kujtojmë se Dhomat e Specializuara të Kosovës në Hagë kanë caktuar të martën, më 17 nëntor, në orën 10:00, si momentin kur do të bëhet i ditur aktgjykimi për rastin që lidhet me akuzat për pengim të drejtësisë ndaj ish-presidentit Thaçi.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: