Pep Guardiola refuzon stolin e SHBA-së: Ja cilat janë planet e teknikut spanjoll pas largimit nga City

Pep Guardiola nuk e sheh veten në krye të kombëtares së Shteteve të Bashkuara të Amerikës. Sipas informacioneve që vijnë nga Anglia, tekniku i suksesshëm ka hedhur poshtë mundësinë për të marrë drejtimin e përfaqësueses amerikane pas përfundimit të aventurës së tij te Manchester City. Strategu spanjoll ka vendosur që, sapo të largohet nga “Etihad Stadium”, t’i dedikojë vetes një periudhë shkëputjeje nga bota e futbollit me kohëzgjatje prej një viti. Kjo qasje nuk është e panjohur për Guardiolën, pasi ai ka ndjekur të njëjtën strategji edhe pas mbylljes së kapitujve të tij te Barcelona dhe Bayern Munihu. Ndonëse trajneri nuk e ka mohuar kurrë ambicien për të drejtuar një kombëtare në të ardhmen, fokusi i tij i menjëhershëm pas largimit nga Premierliga mbetet pushimi dhe rigjenerimi, duke e lënë kështu mënjanë çdo angazhim tjetër profesional për momentin.