Struga Trim Lum shkëlqen në Ohër, mposht bindshëm vendasit në miqësore

Në kuadër të ndeshjeve përgatitore gjatë pauzës së kampionatit për shkak të angazhimeve të kombëtareve, skuadra e Struga Trim Lum ka zhvilluar një test miqësor në Ohër kundër ekipit vendas, GFK Ohri. Përballja vuri përballë dy liderët e kampionateve respektive, atë të Ligës së Parë dhe Ligës së Dytë të Maqedonisë së Veriut. Skuadra strugane ka dominuar takimin, duke arritur një fitore të thellë me rezultatin 1:4. Protagonistët e këtij triumfi ishin Agamah, i cili realizoi dy gola, si dhe Vosha e Radeski, të cilët shënuan nga një gol secili për të vulosur suksesin e ekipit të tyre. Ky rezultat konfirmon formën e shkëlqyer në të cilën ndodhet kryesuesja e elitës së futbollit maqedonas. Për trajnerin Bledi Shkëmbi, kjo ndeshje shërbeu si një mundësi ideale për të testuar gjendjen e futbollistëve dhe për t'u dhënë hapësirë lojtarëve të ndryshëm në fushë. Nga ana tjetër, përballja u vlerësua si një provë mjaft e dobishme edhe për formacionin e Ohrit, të cilët patën rastin të maten me një kundërshtar të nivelit më të lartë.