Keqpërdorim i barnave në QKUK: SHSKUK merr masa dhe suspendon katër punonjës

Shërbimi Spitalor dhe Klinik Universitar i Kosovës (SHSKUK) ka ndërmarrë masa disiplinore duke pezulluar nga detyra katër punonjës, pas konstatimit të shkeljeve dhe parregullsive gjatë procesit të administrimit të barnave dhe materialit shpenzues mjekësor. Sipas komunikatës zyrtare të lëshuar nga institucioni, ky vendim për largimin e përkohshëm të katër zyrtarëve është marrë pas shqyrtimit të gjendjes në terren dhe identifikimit të mangësive serioze në menaxhimin e inventarit farmaceutik brenda Qendrës Klinike Universitare të Kosovës (QKUK).