Analizë e thellë gjeopolitike sonte në 'PIKË': Veton Surroi dhe Dushan Janjiq diskutojnë sfidat e rajonit

Roli i rinisë në përballjen me autokracitë, rreziku i etnonacionalizmit, si dhe hapat e ardhshëm drejt normalizimit të raporteve ndërmjet Kosovës dhe Serbisë, do të jenë në qendër të vëmendjes së emisionit të radhës. Publicisti i njohur Veton Surroi, në edicionin e sonte, do të ketë të ftuar njohësin e çështjeve politike, Dushan Janjiq, për të diskutuar rreth zhvillimeve më të fundit në rajon dhe sfidave që i presin dy vendet. Gjatë këtij diskutimi, vëmendje e veçantë do t'i kushtohet çështjes së Milan Radoiçiqit dhe krimit të organizuar, të cilat vlerësohen si prioritete kyçe që duhet të adresohen pa vonesë, si dhe llogaritjes së kostos së normalizimit të marrëdhënieve. Të gjitha këto çështje, përfshirë edhe reflektimet mbi të kaluarën politike dhe rrezikun e neofashizmit, do të trajtohen në detaje sonte nga ora 20:00, në emisionin 'PIKË'.