Hapet edicioni i dytë i festivalit: Ekspozita “What Remains Unseen” sjell rrëfimet e fshehura përmes artit

Kujtesa kolektive, mitologjia, paragjykimet dhe përjetimet e fshehura janë ndër shtresat më të thella që kanë marrë formë vizuale nëpërmjet veprave të artistëve, të cilët janë bashkuar në ekspozitën kolektive “What Remains Unseen” (Çfarë mbetet e padukshme). Me këtë ngjarje artistike, të mbrëmjen e së premtes, është shënuar hapja zyrtare e edicionit të dytë të festivalit “Circle Fest”, duke u dhënë zë tregimeve që rrallëherë dalin në pah.