Data e vendimit: Të martën shpallet aktgjykimi ndaj Hashim Thaçit dhe katër të tjerëve në Hagë

Dhomat e Specializuara të Kosovës në Hagë pritet të shpallin aktgjykimin këtë të martë, më 17 nëntor, në procesin gjyqësor ndaj ish-presidentit Hashim Thaçi dhe katër bashkëpunëtorëve të tij, të akuzuar për veprën penale “pengim i drejtësisë”. Në këtë seancë gjyqësore, përveç ish-kreut të shtetit, do të përballen me drejtësinë edhe ish-shefi i Agjencisë Kosovare të Inteligjencës (AKI), Bashkim Smakaj, ish-kryetari i Komunës së Malishevës, Isni Kilaj, ish-ministri i Drejtësisë, Hajredin Kuçi, si dhe Fadil Fazliu.